Handtóku árásarmanninn í skógi

Travis Reinking, sem myrti fjóra á veitingastaðnum Waffle House aðfaranótt …
Travis Reinking, sem myrti fjóra á veitingastaðnum Waffle House aðfaranótt sunnudags, fannst í skógi í nágrenni borgarinnar í dag og var handtekinn. Ljósmynd/Twitter

Lögreglan í Nashville hefur handtekið mann sem skaut fjóra til bana á veit­ingastaðnum Waffle House í borginni aðfaranótt sunnu­dags.

Frétt mbl.is: Nakta árásarmannsins leitað

Um 160 lögreglumenn tóku þátt í leitinni sem stóð yfir í rúman sólarhring. Morðinginn, Travis Reinking, fannst í skóglendi í nágrenni við borgina. Hann var í rifnum bol og með skrámur á líkamanum þegar hann fannst. 

Reinking kom inn á veit­ingastaðinn vopnaður riffli og skamm­byssu og nak­inn að öðru leyti en því að klæðast jakka. Viðskipta­vin­ur náði skot­vopn­inu af mann­in­um, sem síðan flúði á tveim­ur jafn­fljót­um.  

Frétt mbl.is: Flúði inn í skóg á brókinni

Yf­ir­völd í Tenn­essee hafa staðfest að Taure­an Sand­erl­in, 29 ára, Joe Perez, 20 ára, og Dee­bony Groves, 21 árs, hafi lát­ist á vett­vangi en fjórða fórn­ar­lambið, Akilah Dasilva, 23 ára, hafi lát­ist á sjúkra­húsi. Tveir særðust í árás­inni.

mbl.is
Fleira áhugavert
Fleira áhugavert