15 manns særðust er tveir menn sprengdu heimatilbúna sprengju á veitingastað í borginni Mississauga í Kanada í gærkvöldi. Þeir flúðu því næst af vettvangi að sögn lögreglu.
Reuters segir sprengjuna hafa sprungið á veitingastaðnum Bombay Bhel um hálfellefuleytið í gærkvöldið að staðartíma. 15 manns þurftu aðhlynningar við á sjúkrahúsi eftir sprenginguna og eru þrír þeirra alvarlega særðir að því er sagði í Twitter-skilaboðum frá neyðarþjónustu borgarinnar.
Mississauga explosion: Suspects 'detonate IED' in restaurant https://t.co/wqwpD3D1DA
— BBC News (World) (@BBCWorld) May 25, 2018
Hinir grunuðu flúðu hins vegar af vettvangi eftir að hafa virkjað sprengjuna, sem sögð er hafa verið heimatilbúin. Enginn hefur lýst yfir ábyrgð á sprengingunni og ástæður árásarinnar eru ókunnar.
Lögregla hefur nú birt myndir á Twitter sem sýna tvo menn í dökklitum hettutreyjum ganga inn á veitingastaðinn. Annar þeirra virðist vera með eitthvað í höndunum þegar þeir ganga þar inn.
DETAILS: 2 men blow up IED (Improvised Explosive Device) inside Indian restaurant in #Canada, multiple injuries, 3 in critical condition - police pic.twitter.com/uL2pSer0so https://t.co/Pj2FGWqW9b #Mississauga #Ontario
— RT (@RT_com) May 25, 2018
At least 15 people were wounded in an explosion at a restaurant in Mississauga, Ontario, police say https://t.co/ZNmu98RJVZ
— CNN Breaking News (@cnnbrk) May 25, 2018
Er annar hinna grunuðu sagður vera þéttvaxinn, á miðjum þrítugsaldri og hafa verið klæddur dökkbláum gallabuxum og dökkleitri hettupeysu sem hann á að hafa notað til að dylja höfuð sitt. Hinn var grannvaxinn, í snjáðum gallabuxum, gráum stuttermabol og dökkleitri hettupeysu sem hann notaði einnig til að dylja höfuð sitt.
Lögregla lokaði á umferð um svæðið í kjölfar sprengingarinnar og voru vopnaðir lögreglumenn sérsveitarinnar áberandi á vettvangi, ásamt sjúkrabílum.