Býst við öflugum eftirskjálftum næstu daga
Setja bókamerki
„Búast má við öflugum eftirskjálftum næstu tvo til þrjá daga,“ sagði Yoshihide Suga, talsmaður ríkisstjórnar Japan, við fjölmiðla eftir jarðskjálftann sem reið yfir Osaka í gærkvöldi.
Þrír eru látnir eftir skjálftann, þar á meðal níu ára stúlka sem varð undir vegg í kjölfar eftirskjálfta. Þá létust tveir eldri menn, annar eftir að hafa orðið undir vegg og hinn eftir að bókahilla féll á hann.
Forsætisráðherra Japan, Shinzo Abe, sagði við fjölmiðla að yfirvöld væru að „vinna saman með það í forgangi að bjarga lífum fólks“.
Jarðskjálftinn mældist 6,1 stig og í kjölfar hans fylgdu harðir eftirskjálftar, sá stærsti mældist 5,3 stig. Rúmlega 200 manns eru slasaðir eftir skjálftana.
Samgöngur voru stöðvaðar víða í kring um Osaka og var borgin, og svæðið í kring um hana, að mestu rafmagnslaus í kjölfar skjálftans.
Ekki var gefin út flóðbylgjuviðvörun vegna skjálftans og fregnir greina frá því að öll starfsemi kjarnorkuvera væri eðlileg.
Um 850 manns voru flutt á brott og komið fyrir í bráðabirgðaskýlum.
„Jörðin hreyfðist kröftuglega. Þetta var sterkur lóðréttur kippur. Næstum allir diskar duttu í gólfið og brotnuðu,“ sagði Kaori Iwakiri búsett í Moriguchi sem er staðsett norðan við Osaka.
Skar höfuðleðrið af íslenskri konu
Sex hafa greinst með listeríu
„Höfum ekki náð að skríða upp úr þeirri gryfju“
Árshátíð ríkislögreglustjóra haldin í Tékklandi
Eyjafjarðarbraut lokað vegna alvarlegs umferðarslyss
„Hvílir mikil leynd yfir þessu öllu“
Gígbarmurinn hækkað frá því í gær