Trump vill stofna geimher
Setja bókamerki
Donald Trump Bandaríkjaforseti fyrirskipaði í dag Pentagon, varnarmálaráðuneyti Bandaríkjanna, að setja á fót sérstaka geimdeild Bandaríkjahers. Geimdeildin yrði sjötta deild Bandaríkjahers en fyrir eru landher, flugher, landhelgisgæsla, flotinn og landgöngulið flotans.
„Við ætlum að hafa flugher og við ætlum að hafa geimher. Aðskildir en jafnir,“ segir í yfirlýsingu frá forsetanum. Herdeildin er þó ekki byggð á einum degi. Til þess þarf samþykki þingsins.
Umræður um geimdeild hafa staðið yfir í þinginu árum saman og skiptar skoðanir um málið. Eins og jafnan þegar réttlæta á aukin umsvif hersins er það gert með vísan til „þjóðaröryggis Bandaríkjanna“.
„Þegar kemur að því að verja Bandaríkin er ekki nóg að Bandaríkin séu til staðar í geimnum. Við verðum að tryggja amerísk yfirráð yfir geimnum,“ sagði forsetinn við upphaf þriðja fundar Geimráðs Bandaríkjanna í morgun.
Ekki er auðséð hvað forsetinn á við með þessari yfirlýsingu, en samkvæmt alþjóðalögum eru geimferðir heimilar öllum ríkjum sem uppfylla alþjóðalög. Þá má ekkert ríki gera tilkall til geimsins eða nokkurs himintungls.
Árshátíð ríkislögreglustjóra haldin í Tékklandi
Skemmtiferðaskip hætt komið nærri Viðey
„Á réttri leið en nokkuð í land ennþá“
Handteknir eftir myndatöku í Vesturbæjarlaug
„Það þarf að vinna mikinn fjölda upp“
„Okkur miðar í rétta átt“
Hernaðaraðstoð samþykkt – Vopnasendingar í vikunni
Handtekin eftir að tvö börn fundust látin