Evrópusambandið mun opinbera mótvægisaðgerðir sínar í tollaálagningu á vörur frá Bandaríkjunum á föstudag. Tollarnir munu meðal annars ná til blárra gallabuxna, mótorhjóla og bourbon-vískís.
BBC greinir frá því að innflutningstollarnir séu mótsvar við tollum bandaríkjanna á stál og ál frá ríkjum Evrópu, Kanada, Mexíkó og fleiri. Cecilia Malmstrom, framkvæmdastjóri viðskiptamála innan ESB, sagði sambandið ekki vilja vera í þessari stöðu en að það hefði engra annarra kosta völ í kjölfar einhliða og óréttmætrar ákvörðunar Bandaríkjanna.
Trönuber, appelsínusafi, maís og hnetusmjör eru meðal annars varnings frá Bandaríkjunum sem á verða settir innflutningstollar.