Mannfall í sprengingu

Abiy Ahmed, nýr forsætisráðherra Eþíópíu, segir að nokkrir hafi fallið í sprengingu sem varð á útifundi í morgun þar sem hann hélt ræðu í Addis Ababa. Hann segir að sprengingin hafi verið tilraun andstæðinga sinna til að sundra þjóðinni.

Ahmed var fluttur af vettvangi í skyndingu en tugþúsundir manna sóttu samkomuna. Talið er að um handsprengju hafi verið að ræða.

Ahmed varð forsætisráðherra er Hailemariam Desalegn sagði óvænt af sér í febrúar. Hann er fyrsti leiðtogi landsins sem tilheyrir Oromo-þjóðinni sem hefur í nær þrjá áratugi mótmælt ríkjandi stjórnvöldum. 

• Blogga um frétt