Blaðamaður fjarlægður af fundinum í Helsinki
Blaðamaður The Nation var fjarlægður af blaðamannafundi Donald Trump og Vladimir Pútín í Helsinki.
AFP
Setja bókamerki
Órói skapaðist við upphaf blaðamannafundar Donald Trump Bandaríkjaforseta og Vladimir Pútín Rússlandsforseta sem stendur nú yfir í forsetahöllinni í Helsinki þegar mótmælandi var dreginn út úr salnum þar sem fundurinn fer fram.
Samkvæmt blaðamanni CNN höfðu öryggisverðir beðið manninn um að yfirgefa salinn sem hann gerði á friðsamlegan hátt. Hann kom þó aftur inn í salinn með handskrifað skilti sem á stóð „samningur um bann á kjarnorkuvopnum“. Þá var maðurinn þvingaður til að yfirgefa salinn.
Samkvæmt vef Guardian er maðurinn bandarískur blaðamaður frá tímaritinu The Nation.
Blaðamannafundur leiðtoganna tveggja stendur nú yfir.
AFP
Skömmu eftir að maðurinn var fjarlægður úr salnum hófst blaðamannafundurinn, talsvert seinna en áætlað var. Hann stendur nú yfir.
Ofsóttur innan veggja Boeing
Starfsfólk gæti fengið reikning frá Skattinum
Fjárfestingin 115 milljarðar króna
Þrjú og hálft ár fyrir skotárás í Úlfarsárdal
„Þögnin er ærandi“
„Menn eru bara búnir að forgangsraða“
Kvikan virðist nú skiptast til helminga