Í frétt Telegraph segir að hitastigið í hitabylgjunni sem nú er í Bretlandi sé um 10°C hærri en í meðalári á þessum árstíma.
Veðurstofan í Bretlandi hvetur fólk til að forðast sólina þar til á föstudag en spáð er yfir 34°C á sumum stöðum í landinu næstu daga.
Veðurstofan gaf í morgun út formlega viðvörun vegna hitabylgjunnar. Er fólk hvatt til að halda heimilum sínum svölum, drekka nóg af vökva og hafa auga með öldruðum, segir í frétt Telegraph um málið.
Á miðvikudag er spáð heitasta degi ársins hingað til en þá mun hitinn að öllum líkindum fara yfir núverandi met sem var slegið í Norður-Wales þann 28. júní er hitinn mældist 33°C.
Á næstu dögum mun hitinn víða fara yfir 30 gráður að degi til og 15 gráður að nóttu. Mun þetta ástand vara í að minnsta kosti tvo daga. Heitast verður á suður- og austurhluta Englands.
Veðurstofan varar fólk við því að vera úti í sólinni um hábjartan daginn eða milli klukkan 11 og 15.
Í frétt Telegraph segir að hitastigið í hitabylgjunni sem nú er í Bretlandi sé um 10°C hærri en í meðalári á þessum árstíma.
Think it's hot now?! 🌡️
— Met Office (@metoffice) July 21, 2018
As we look ahead to next week, some southeastern areas could reach 34 Celsius, but it will be fresher towards the north and west pic.twitter.com/PRZI1y0uf5