Björgunarstarf við hluta Morandi-brúarinnar sem hrundi skammt fyrir utan borgina Genúa á norðvesturhluta Ítalíu í dag stendur enn yfir og stefna björgunarmenn á að halda áfram leit að eftirlifendum inn í nóttina.

Lögreglan á Ítalíu hefur staðfest að 26 eru látnir og 15 alvarlega slasaðir eftir að 35 bílar féllu um 45 metra fram af brúnni þegar um 200 metra hluti  brúargólfsins hrundi í morgun. Óttast er að mun fleiri hafi látið lífið og sagði innanríkisráðherra Ítalíu, Matteo Salvini, fyrr í kvöld að tala látinna væri nær 35 manns.

Frétt af mbl.is

Hrun brúarinnar: Hvað vitum við?

Sjónarvottar segjast heyra í fólki sem er fast undir rústunum. Að minnsta kosti 12 manns er saknað. 100 slökkviliðsmenn hafa bæst í hóp þeirra 200 sem hafa sinnt björgunarstarfi á svæðinu í dag. Hundum og klifurbúnaði er beitt við björgunarstörfin.

„Við höldum björgunaraðgerðum áfram þar sem við höldum að fólk sé á lífi í rústunum,“ segir talsmaður lögreglunnar í Genúa.

Orsök hrunsins er ekki kunn en spurningar hafa vaknað í tengslum við öryggisþætti í byggingu brúarinnar, sem var reist á sjöunda áratug síðustu aldar. Salvini heitir því að þeir sem beri ábyrgð á hruninu verði látnir svara til saka og segir hann brúarhrun í líkingu við það sem varð í dag sé í raun óhugsandi árið 2018.

Frétt BBC

Morandi-brúin er skammt frá Genúa á Ítalíu. Kort/AFP

Tengdar fréttir

Hrun Morandi-brúarinnar

Ný brú vígð í stað þeirrar sem hrundi

• Hrundi því hún gat ekki staðið lengur
• Morandi-brúin sprengd
• Benetton og stórslysið í Genóa
• Myndband af hruni brúarinnar

» Fleiri tengdar fréttir

• Blogga um frétt