164 látnir í flóðum í Kerala

Alls eru 164 látnir í gríðarlegum flóðum íKerala-héraði á Indlandi og segir ríkisstjórinn, Pinarayi Vijayan, ástandið mjög alvarlegt en spáð er áframhaldandi úrkomu á svæðinu og var gefin út ný flóðaviðvörun í morgun.

AFP

Unnið er að því að bjarga fólki sem hefur lokast inni vegna flóðanna víða um héraðið. Yfir 100 hafa látist á síðustu 36 klukkutímum og er óttast að tala látinna eigi eftir að hækka mikið á næstu dögum. Þúsundir bíða milli vonar og ótta eftir neyðaraðstoð en vegna mikilla vatnavaxta gengur illa að koma hjálp til þeirra sem þurfa á aðstoð að halda.

AFP

Yfir 150 þúsund hafa misst heimili sín og hafa yfirvöld sett upp um 1.300 tjaldbúðir fyrir íbúa víðs vegar um Kerala.

AFP

• Blogga um frétt