Forseti Bandaríkjanna, Donald Trump, ætlar að vera viðstaddur hátíðarhöld í París þar sem vopnahlésdeginum verður fagnað í nóvember. Í gær var greint frá því að fyrirhugaðri hersýningu sem halda átti í Washington hafi verið frestað í að minnsta kosti ár vegna kostnaðar sem henni fylgdi.
Hersýningin átti í upphafi að vera til minningar um lok fyrri heimsstyrjaldarinnar (11. nóvember) og til heiðurs þeim sem féllu og fyrrverandi hermanna.
Trump segir að það hafi verið hann sem aflýsti hersýningunni og við stjórnmálamenn væri að sakast fyrir fáránlega háa gjaldtöku borgarinnar.
Hann segir vel koma til greina að gera eitthvað stórt í höfuðborginni á næsta ári en það fari eftir kostnaðinum sem fylgi. Ákvörðunin um að hætta við hersýninguna í ár þýði að hægt verði að kaupa fleiri herþotur.
....attend the big parade already scheduled at Andrews Air Force Base on a different date, & go to the Paris parade, celebrating the end of the War, on November 11th. Maybe we will do something next year in D.C. when the cost comes WAY DOWN. Now we can buy some more jet fighters!
— Donald J. Trump (@realDonaldTrump) August 17, 2018