Jarðskjálfti af stærðinni 7,3 varð um 400 kílómetra austan við höfuðborg Venesúela, Caracas, síðdegis í dag að staðartíma samkvæmt upplýsingum frá Jarðfræðistofnun Bandaríkjanna.
Ekki hafa borist fregnir af manntjóni eða skemmdum en samkvæmt frétt AFP-fréttastofunnar greip mikil hræðsla um sig meðal fólks.
Skjálftinn fannst víða í landinu og fólk stóð lengi á götum úti eftir skjálftann í Caracas þar sem það óttaðist eftirskjálfta.
Ekki hefur verið gefin út flóðbylgjuviðvörun í kjölfar skjálftans.