Annað hrottalegt dýraníðsmál

Ástralska lögreglan leitar þriggja manna sem sakaðir eru um að hafa pyntað og drepið kengúrur. Aðeins nokkrir dagar eru síðan maður var handtekinn fyrir að hafa ekið emúa niður viljandi og drepið í öðru dýraníðsmáli.

Lögreglan í Vestur-Ástralíu birti í dag myndir af mönnunum þremur en þeir eru sakaðir um að hafa pyntað og drepið tvær kengúrur í maí og júní. 

Á einni myndinni sést maður með hnúajárn en með honum á myndinni er annar maður einnig með hnúajárn en andlit þess manns er hulið.

Fyrir nokkrum dögum fór myndskeið eins og eldur í sinu um samfélagsmiðla þar sem maður sést keyra yfir emúa og greinilega njóta þess að drepa fuglana. Maðurinn, sem er tvítugur að aldri, var handtekinn í Victoria á föstudagskvöldið og verður hann ákærður fyrir dýraníð.

Hér er tilkynningin frá lögreglunni með myndum

Frétt af mbl.is

Ók yfir fjölda emúa

• Blogga um frétt