Trump hæðist að Daniels
Setja bókamerki
Donald Trump, forseti Bandaríkjanna, hæðist að klámmyndaleikkonunni Stormy Daniels eftir að alríkisdómari vísaði frá meiðyrðamáli sem hún höfðaði gegn forsetanum. Daniels höfðaði meiðyrðamál eftir að Trump sakaði hana um blekkingar í tísti á Twtitter, en dómarinn komst að þeirri niðurstöðu að forsetinn hefði mátt láta ummæli falla á grundvelli málfrelsis. BBC greinir frá.
Trump sagðist nú geta „farið á eftir Hrossfési og þriðja flokks lögmanni hennar“. Daniels var einnig gert að greiða málskostnað, en lögmaður hennar segir að málinu verði áfrýjað.
Michael Avenatti, lögmaður Daniels, sagði svaraði Trump á Twitter, sagði hann kvenhatara sem væri Bandaríkjunum til skammar. Hann myndi aðstoða skjólstæðing sinn við það að sýna umheiminum hve mikill lygari hann væri. „Hvað hélstu framhjá með mörgum konum á meðan konan þín var heima með nýfætt barn?“ spurði lögmaðurinn forsetann jafnframt.
Daniels segir að hún og Trump hafi átt í ástarsambandi árið 2006, skömmu eftir að hann kvæntist Melaniu Trump forsetafrú og þau eignuðust saman soninn Barron, en forsetinn hefur vísað því á bug. Fyrrverandi lögmaður Trump, Michael Choen, hefur hins vegar viðurkennt að hafa greitt henni fyrir að þegja um sambandið, líkt og forsetinn hafi fyrirskipað.
Telur forsendur fyrir vaxtalækkun
Eyjafjarðarbraut lokað vegna alvarlegs umferðarslyss
Handteknir eftir myndatöku í Vesturbæjarlaug
Kostnaður meiri en milljón á fermetra
Banna mengandi búnað sem leyfður er á Íslandi
Tveir í bílnum sem lenti utan vegar
Vélsleðaslys: Þyrlan kölluð út á mesta forgangi