Stofnandi WikiLeaks, Julian Assange, hefur ákveðið að höfða mál gegn ríkisstjórn Ekvador fyrir að brjóta gegn grundvallarréttindum hans og fyrir að takmarka aðgengi hans að umheiminum á meðan hann hefur notið verndar sendiráðs landsins í London.

Lögfræðiráð WikiLeaks er nú statt í Ekvador til þess að leggja fram kæru á hendur stjórnvöldum fyrir að brjóta á réttindum stofnandans og hefta frelsi hans.

Frétt af mbl.is

Draga úr öryggisgæslu Assange

Sjö mánuðir eru síðan Ekvador hótaði að afnema pólitískt hæli Assange og hóf að takmarka aðgengi hans að umheiminum, meðal annars með því að neita frétta- og mannréttindafólki um að hitta hann. Þá lokaði sendiráðið fyrir nettengingu Assange í vor.

Hann hefur nú takmarkaðan aðgang að netinu og nýlega var honum gert að hugsa betur um köttinn sinn og þrífa eigið baðherbergi.

Ríkisstjórn Ekvador hefur ekki tjáð sig vegna málsins.

Tengdar fréttir

Wikileaks - Julian Assange

Íhugar að fella niður ákærur á hendur Assange

• Assange vill mæta í jarðarför Westwood
• Assange veikur í fangelsi
• Assange áfrýjar ákvörðun breskra stjórnvalda
• Vilja að Assange verði sleppt úr fangelsi

» Fleiri tengdar fréttir

• Blogga um frétt