Hópur tyrkneskra blaðamanna í Istanbúl krefst þess að öllum þeim sem komu að morðinu á sádiarabíska blaðamanninum Jamal Khashoggi með einhverjum hætti verði refsað. AFP-fréttastofan greinir frá.

Yfirvöld í Sádi-Arabíu viðurkenndu í gær að blaðamaðurinn hefði látist í átökum á ræðismannsskrifstofu Sádi-Araba í Istanbúl, en þá hafði ekki spurst til hans frá því 2. október síðastliðinn. Átján sádiarabískir ríkisborgarar eru sagðir hafa verið handteknir vegna málsins. Þá hafa tveir aðstoðarmenn krónprinsins, Mohammed bin Salman, verið látnir fjúka.

Frétt af mbl.is

„Tyrkir munu afhjúpa hvað gerðist“

„Við krefjumst ekki bara refsingar yfir þessum átján einstaklingum heldur líka þeim sem fyrirskipuðu morðið,“ segir Turan Kislakci, formaður samtaka tyrkneskra og arabískra fjölmiðlamanna, en Khashoggi var meðlimur í samtökunum.

Khashoggi er sagður hafa látist í átökum á ræðismannsskrifstofunni. AFP

Tyrkneska lögreglan hefur ásamt rannsakendum málsins leitað á ræðismannsskrifstofunni og í ræðismannsbústaðnum í Istanbúl, sem og í í skóglendi skammt frá, en lík blaðamannsins hefur ekki fundist.

Frétt af mbl.is

Segir skýringar Sádi-Araba trúverðugar

„Það er aðeins eitt sem skiptir máli akkúrat núna. Færið okkur Jamal aftur. Látið okkur hafa hann svo getum veitt honum útför,“ sagði Kislakci í samtali við blaðamenn fyrir utan ræðismannsskrifstofuna.

„Leyfum öllum heiminum að fylgjast með útför Jamal Khashoggi, sem var drepinn í myrkraherbergi á hræðilegan hátt.“

Tyrkneskir fjölmiðlar hafa greint frá því að til séu hljóðupptökur þar sem heyrist hvar Khashoggi er pyntaður, fingur hans skornir af áður en hann var afhöfðaður.

Tengdar fréttir

Morðið á Jamal Khashoggi

Krónprinsinn fær friðhelgi í Bandaríkjunum

• Biden skiptir um skoðun á Sádum
• Hendur Bidens „ataðar í blóði“
• Unnusta Khashoggis ætlar að áfrýja
• Segja Frakka hafa farið í mannavillt í handtöku

» Fleiri tengdar fréttir

• Blogga um frétt