„Tyrkir munu afhjúpa hvað gerðist“
Setja bókamerki
Tyrkir hafa lýst því yfir að þeir muni afhjúpa öll smáatriði í tengslum við dauða sádiarabíska blaðamannsins Jamal Khashoggi, eftir að Sádi-Arabar viðurkenndu að hann hefði látist í átökum á ræðismannsskrifstofu Sádi-Arabíu í Istanbúl. AFP-fréttastofan greinir frá.
„Tyrkir munu afhjúpa hvað gerðist. Enginn þarf að efast um það,“ sagði Omar Celik, talsmaður Réttlætis- og þróunarflokksins AKP, í samtali við tyrknesku fréttastöðina Andolu í dag.
„Við erum ekki að að ásaka neinn, en við sættum okkur ekki við einhverjar yfirhylmingar,“ sagði hann jafnframt.
Þangað til Sádi-Arabar viðurkenndu í gær að Khashoggi hefði látið lífið á ræðismannsskrifstofunni hafði ekkert spurst til hans frá því hann fór þangað inn 2. október.
Fram kom í frétt sádiarabíska ríkissjónvarpsins í gær að aðstoðarforstjóri leyniþjónustu landsins og háttsettur aðstoðarmaður krónprinsins hefðu verið reknir vegna málsins. Einnig var greint frá því að átján sádiarabískir ríkisborgarar sættu rannsókn.
Leitað var í gær að líki Khashoggi í skógi skammt frá Istanbúl, en svo virðist talið sem því hafi jafnvel verið komið fyrir þar eða á ræktuðu svæði skammt frá. Þá hafa fimmtán starfsmenn sádiarabísku ræðismannsskrifstofunnar í Istanbúl verið yfirheyrðir af saksóknurum. Starfsmennirnir eru allir tyrkneskir og teljast vitni í málinu.
Donald Trump, forseti Bandaríkjanna, segist telja skýringar Sádi-Araba trúverðugar og mikilvægt fyrsta skref.
Aðkoman í gripahúsið mjög slæm
Spursmál: Fyrsta stóra viðtal Katrínar
Færa slökkviliðið til nútímans
Mikilvægt að vera á tánum
Bjarkey stendur við skammarbréf Svandísar
Hafa „ágætis tíma“ til úrbóta
Mun fara sparlega með málskotsréttinn
Sárt að horfa upp á illa meðferð fjármuna