Þeir Magnus Carlsen og Fabiano Caruana skildu jafnir í heimsmeistaraeinvígi sínu í kvöld. Þar með hafa þeir gert jafntefli í öllum þremur skákum einvígisins.
Skákinni lauk eftir 49 leiki á fjórum klukkustundum og fimmtán mínútum. Bandaríkjamaðurinn Caruana fór betur af stað en eftir um 20 leiki leit allt út fyrir jafntefli. Norðmaðurinn Carlsen tók þá við sér en náði ekki að landa sigri, að sögn The Guardian.
Næsta skák í einvíginu, sem er háð í London, fer fram á morgun.