Flest fólk sem komið er um og yfir sjötugt er ýmist komið á eftirlaun eða farið að huga að því að setjast í helgan stein. En það á ekki við um Karl Bretaprins, sem í gær fagnaði sjötugsafmæli sínu, og bíður enn eftir því að taka við starfinu sem honum hefur verið lofað; Bretakonungur.

Hann hefur verið ríkisarfi í rúm 66 ár, lengur en nokkur annar í sögu breska konungsveldisins, eða frá árinu 1952 þegar afi hans, Georg VI., lést og móðir hans Elísabet II. Englandsdrottning tók við völdum.

Á þessum tímamótum hafa talsverðar vangaveltur verið í breskum fjölmiðlum um hvort Karl muni taka við konungdómi þegar sá dagur rennur upp eða stíga til hliðar og láta eldri syni sínum, Vilhjálmi prins, hertoga af Cambridge, eftir hásætið. Engan bilbug virðist vera að finna á hinni 92 ára gömlu drottningu sem virðist við býsna góða heilsu en eitt er víst að verði Karl konungur verður hann sá elsti sem hefur verið krýndur. Metið á Vilhjálmur IV. sem var 64 ára þegar hann tók við konungdómi árið 1830. En hver er hann? Maðurinn sem verður kannski aldrei kóngur, eins og bresku blöðin hafa orðað það.

Hann fæddist í Buckingham-höll að kvöldi dags 14. nóvember 1948, sonur Elísabetar sem þá var Bretaprinsessa og Filippusar, sem síðar varð hertogi af Edinborg, og var skírður Charles Philip Arthur George. Yngri systkini Karls eru Anna prinsessa, Andrés hertogi af Jórvík og Játvarður jarl af Wessex.

Þegar móðir hans var krýnd drottning árið 1952 varð hann hertoginn af Cornwall. Aðrir titlar hans eru jarlinn af Chester, hertoginn af Rothesay, jarlinn af Carrick, höfðingi eyjanna (sem er forn skosk aðalstign), Renfrew barón og Skotlandsprins. Og auðvitað prinsinn af Wales.

Sjá umfjöllun um Karl Bretaprins í heild í Morgunblaðinu í dag.

Tengdar fréttir

Kóngafólk í fjölmiðlum

Í fyrstu heimsókn eftir krabbameinsgreiningu Katrínar

• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi

» Fleiri tengdar fréttir