Evrópusambandið og bresk stjórnvöld hafa komist að samkomulagi um drög að póli­tískri yf­ir­lýs­ingu þar sem framtíðarsam­band Bret­lands og Evr­ópu­sam­bands­ins eft­ir út­göngu Breta úr sam­band­inu er út­listað. 

Frétt af mbl.is

May bjartsýn á að ESB samþykki Brexit

Í tilkynningu frá framkvæmdastjórn ESB segir að í yfirlýsingunni sé að finna drög að því hvernig viðskiptasamningi Breta við ESB verði háttað eftir að útganga, ásamt öryggismálum, hafi verið samþykkt í meginatriðum.

Donald Tusk, forseti leiðtogaráðs ESB, segir í færslu á Twitter að leiðtogar allra 27 aðildarríkjanna hafi fengið yfirlýsinguna senda til yfirferðar.

May mun flytja „neyðaryfirlýsingu“ á þinginu

Theresa May, forsætisráðherra Bretlands, mun ávarpa þingmenn á breska þinginu síðar í dag og flytja þar „neyðaryfirlýsingu,“ að því er fram kemur á Twitter-aðgangi neðri deild breska þingsins. 

Til stendur að leiðtogar aðildarríkjanna undirriti yfirlýsinguna á sunnudag. Gangi það eftir verður Brexit-samningurinn að fara í gegnum breska þingið, en eins og staðan er núna nýtur hann ekki stuðnings meirihluta þingmanna.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Neyðarástand vegna Brexit