Evrópudómstóllinn í Lúxemborg úrskurðaði í morgun að Bretland geti hætt við úrsögn úr Evrópusambandinu án samþykkis annarra aðildarríkja sambandsins, verði það niðurstaðan að samningur Breta um útgöngu Breta úr ESB verði felldur í breska þinginu á morgun.
Hópur stjórnmálamanna sem berst fyrir því að Bretar verði áfram í ESB fagnaði þessari niðurstöðu dómstólsins gríðarlega. Í úrskurðinum segir jafnframt að niðurstaða Breta um að vera áfram í ESB verði að vera tekin á lýðræðislegan hátt og að greiða þurfi atkvæði um þá stefnu í þinginu.
Brexit-samningurinn hefur verið til umfjöllunar á breska þinginu síðustu daga og á morgun verða greidd atkvæði um samninginn. Eins og staðan er núna eru góðar líkur á að samningurinn verði felldur.
#ECJ: UK is free to unilaterally revoke the notification of its intention to withdraw from the EU – Case C-621/18 Wightman #Brexit pic.twitter.com/KUOI2eQ48C
— EU Court of Justice (@EUCourtPress) December 10, 2018