Th­eresa May, for­sæt­is­ráðherra Bret­lands, hefur frestað at­kvæðagreiðslu breska þings­ins um út­göngu Bret­lands úr Evr­ópu­sam­band­inu.

„Samningnum yrði hafnað naumlega. Því hefur atkvæðagreiðslunni, sem áætluð er á morgun, verið frestað,“ sagði May á breska þinginu fyrir stundu.

Ekki er ljóst hvenær atkvæðagreiðslan mun fara fram en May hyggst ræða samninginn og möguleg næstu skref við leiðtoga Evrópusambandsins við fyrsta tækifæri.

May kveðst ætla að nota næstu daga til þess að fara yfir gagnrýni og áhyggjur sem þingmenn hafa varðandi samninginn í tilraun til þess að efla stuðning þingsins. Jeremy Corbyn, leiðtogi Verkamannaflokksins, segir May hafa misst stjórn á aðstæðum og að fullkominn glundroði ríki innan ríkisstjórnarinnar.

Í kjölfar nýlegra fregna af mögulegri seinkun atkvæðagreiðslunnar hefur gengi breska pundsins veikst um 0,5% gagnvart Bandaríkjadal og 0,8% gagnvart evru og hefur gengi þess ekki verið lægra í átján mánuði.

Umfjöllun BBC

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• 1 blogg um fréttina

Bloggað um fréttina

• Eyjólfur Jónsson: Merkileg árátta Corbins og þingsins að reina að fella þjóðarviljan …