Hissa á hertoganum
Setja bókamerki
Konan sem úlnliðsbrotnaði þegar hún lenti í árekstri við Filippus, hertogann af Edinborg, segir að starfsfólk drottningar hafi hringt í hana eftir slysið en að Filippus sjálfur hafi ekki látið heyra í sér.
Emma Fairweather, 46 ára, segir að það komi sér á óvart að 97 ára gamall hertoginn hafi ekki reynt að hafa samband við hana eftir slysið.
Umferðaróhappið varð á A149-þjóðveginum á fimmtudag og endaði Land Rover Freelander-bifreið Filippusar á hliðinni eftir áreksturinn við Kia-bifreið Fairweather. Tveimur dögum eftir óhappið veitti lögreglan í Norfolk Filippusi tiltal fyrir að keyra án bílbeltis.
Fairweather segir að einn af starfsmönnum drottningar hafi skilið eftir skilaboð á símsvara.
„Þó það sé ágætt að drottningin virðist telja við hæfi að biðja starfsfólk sitt að hafa samband við mig og óska mér góðs bata þá lenti hún ekki í slysinu,“ sagði Fairweather í sambandi við enska fjölmiðla.
„Ég er enn svolítið hissa á því að Filippus hafi ekki haft samband við mig til að athuga hvernig ég hafi það,“ bætti hún við.
Fairweather var á ferð ásamt konu og níu mánaða barni henni þegar þær lentu í árekstrinum. Konurnar þurftu báðar að leita á spítala vegna meiðsla sinna en barnið slapp ómeitt.
Eyjafjarðarbraut lokað vegna alvarlegs umferðarslyss
Skemmtiferðaskip hætt komið nærri Viðey
„Það þarf að vinna mikinn fjölda upp“
Vona að Orkustofnun veiti ekki virkjunarleyfi
Vélsleðaslys: Þyrlan kölluð út á mesta forgangi
Tveir í bílnum sem lenti utan vegar
Verðbólgan komin niður í 6%