Með hjálp nýs smáforrits frá lögreglunni í Tókýó í Japan geta konur hrætt í burtu þá sem reyna að áreita þær kynferðislega í yfirfullum neðanjarðarlestum eða annars staðar í borginni.
Appið hefur slegið í gegn í Japan og telja konur sem AFP-fréttastofan ræddi við að það myndi hjálpa þeim ef þær yrðu fyrir slíkri árás því líklega myndu þær sjálfar eiga erfitt með að hrópa og biðja um hjálp.