Móðir í Alabama í Bandaríkjunum sætir gæsluvarðhaldi vegna ákæru þess efnis að hafa valdið dauða barns síns, en hún var komin fimm mánuði á leið þegar önnur kona skaut hana í magann.
Konurnar tvær lentu í rifrildi utan við verslun og enduðu átökin með því að Ebony Jemison skaut Marshae Jones í magann með þeim afleiðingum að hún missti fóstrið. Ákærur gegn Jemison hafa verið látnar niður falla, en hún er talin hafa skotið Jones í sjálfsvörn.
„Við skulum ekki missa sjónar á því að ófætt barnið er fórnarlambið hér,“ er haft eftir lögreglumanninum Danny Reid í frétt Huffington Post af málinu.