Erlent | AFP | 15.7.2019 | 23:34 | Uppfært 16.7.2019 0:41

Nýnasisti á ekki kost á reynslulausn

Bíllinn sem Fields ók inn í mannfjöldann. AFP

Nýnasistinn James Alex Fields Jr. hlaut annan lífstíðardóm fyrir að aka bíl sínum inn í hóp mótmælenda í Charlottesville í Bandaríkjunum árið 2017 þar sem ein kona lést. Hann hafði þegar hlotið einn lífstíðardóm auk 419 ára til viðbótar fyrir alríkisdómstól.

Þessi dómurinn féll fyrir dómstólum í Virginíu-ríki 28. júní síðastliðinn og hann á ekki kost á að óska eftir reynslulausn. Hann hefur því hlotið tvo lífstíðardóma auk 419 ára fangelsisvistar.

Fields ók bíl sínum á hóp mótmælenda 12. ágúst 2017 í Virginíu með þeim afleiðingum að 32 ára kona lést og 29 manns særðust. Konan var stödd í borginni til að mótmæla samkomu kynþáttahataranna.