„Ef þið hlýðið, verðið þið óhultir“

Upptaka af samskiptum áhafnar bresks olíuflutningaskips við íranska herinn skömmu áður en olíuflutningaskipið var hertekið í Persaflóa á föstudag hefur verið birt opinberlega.

Frétt af mbl.is

Birtu myndband af hertökunni

Þar heyrist talsmaður íranska hersins gefa skipstjóra olíuflutningaskipsins skipanir þess efnis að breyta stefnu skipsins svo hægt væri að „gera á því öryggisúttekt“.

„Ef þið hlýðið, verðið þið óhultir,“ endurtekur talsmaður hersins í sífellu.

Frétt af mbl.is

Tvö bresk skip í haldi Írana

Þá má heyra í upptökunni fyrirmæli sem breski sjóherinn gefur skipverjum á olíuskipinu, þar sem ítrekað er að ólöglegt sé að hindra för skipa sem stundi flutning á alþjóðlegum siglingaleiðum. Skip breska sjóhersins var þó of langt frá vettvangi til þess að geta hindrað hertökuna.

Frétt af mbl.is

Senda annað herskip inn á Persaflóa

Frétt af mbl.is

Vilja að Bretar skili olíuskipinu

• Blogga um frétt