Um 30 manns slasast í skógareldum

Portúgalskir slökkviliðsmenn telja sig vera komna með stjórn á stærstum hluta þeirra skógarelda og kjarrelda sem geisað hafa í Castelo Branco-héraði um helgina. Þó er varað við því að stífur vindur gæti í dag orðið til þess að eldarnir blossi upp að nýju.

Um 30 manns hafa slasast í eldunum, sem 1.700 slökkviliðsmenn hafa tekist á við um helgina. Þar af var einn alvarlega brenndur og var hann fluttur til Lissabon með þyrlu.

Frétt af mbl.is

Þúsundir flýja skógarelda í Portúgal

Pedro Nunes, talsmaður almannavarna Portúgals, sagði á blaðamannafundi í morgun að slökkviliðsmenn teldu sig hafa náð stjórn á um það bil 90% af eldunum, en enn brenni skógar á stöðum sem erfitt er að komast að. Hann segir daginn í dag verða „flókinn“, þar sem sterkum vindi er spáð síðdegis.

Þétt skóglendið á þessu svæði í miðhluta landsins samanstendur aðallega af gúmmítrjám, júkalyptus, sem eru afar eldfim.

Mörg hús hafa orðið eldinum að bráð og þúsundir neyðst til þess að flýja heimili sín. AFP

Slökkviliðsmenn segjast nú hafa náð stjórn á um það bil 90% af þeim eldum sem brunnu um helgina. AFP

• Blogga um frétt