Þrjú börn létust og það fjórða berst fyrir lífi sínu eftir að eldsvoði braust út í sumarbúðum í austur Rússlandi í morgun.
Logarnir breiddust yfir tjaldsvæði sumarbúðanna í Khabarovsk-héraði og eyðilagði um 20 tjöld og varð meðal annars stúlku að bana á ellefu ára afmælisdaginn sinn. Tvær stúlkur til viðbótar létust á sjúkrahúsi eftir að hafa hlotið alvarleg brunasár.
Þá er drengur í „afar slæmu ástandi og að berjast fyrir lífi sínu,“ sagði talsmaður yfirvalda á svæðinu. „Aðstæðurnar líta ekki vel út.“
Í sumarbúðunum voru 189 krakkar og táningar á aldrinum sjö til fimmtán ára. Lögregla hefur hafið rannsókn á manndrápi og hefur forstöðumaður tjaldsvæðisins verið settur í varðhald.