Milljón safnast fyrir kóalabirni í vanda
Setja bókamerki
Milljón áströlskum dollurum hefur verið safnað í netsöfnun til aðstoðar kóalabjörnum sem slasast hafa í miklum skógareldum sem nú geisa í austurhluta Ástralíu.
Um er að ræða hæstu upphæð sem safnast hefur í ástralskri netsöfnun það sem af er ári, en upphæðin samsvarar um 84 milljónum íslenskra króna.
Dýralífssérfræðingar áætla að um 100 kóalabirnir hafi þegar orðið eldinum að bráð í Nýju Suður-Wales.
Það var Port Macquarie-kóalaspítalinn sem hrinti söfnuninni af stað á vef GoFundMe til þess að safna fyrir uppsetningu vatnsstöðva fyrir villta kóalabirni. Ekki leið á löngu þar til safnast höfðu milljón ástralskir dollarar. 20.000 manns hafa lagt söfnuninni lið, en upphaflega var markið sett við 25.000 dollara.
Um 700 netsöfnunum hefur verið hrundið af stað í tengslum við skógareldana í Ástralíu og hafa samtals safnast um 2 milljónir. Næstmest hefur safnast fyrir slökkviliðsmenn og þá sem hafa um sárt að binda vegna eldanna.
Sex eru látnir í skógareldunum og hafa hundruð heimila orðið skógareldunum að bráð síðan þeir hófust í október.
Shakespeare fannst í skókassa
„Umsátursástand“
Veiting hvalveiðileyfis ekki brot á EES-samningi
Telur forsendur fyrir vaxtalækkun
„Það þarf að vinna mikinn fjölda upp“
Skar höfuðleðrið af íslenskri konu
Árshátíð ríkislögreglustjóra haldin í Tékklandi