Kröftugur jarðskjálfti, 6,8 að stærð, gekk yfir suðurhluta eyjunnar Mindanao á Filippseyjum í morgun.
Þrír mannskæðir skjálftar urðu á sama svæði í október síðastliðnum.
Upptök skjálftans voru suður af borginni Davao. Að sögn bandarísku jarðfræðistofnunarinnar eru „litlar líkur á dauðsföllum eða eignatjóni“.
Engin hætta er talin á því að fljóðbylgja fylgi í kjölfar skjálftans.