Milljarðamæringur ákærður fyrir fjársvik

Milljarðamæringurinn Isabel dos Santos hefur verið ákærð fyrir fjársvik að sögn ríkissaksóknara í Angóla. Santos, sem er búsett í London, er sökuð um að hafa auðgast með því að arðræna eigið land, og í gegn­um spill­ingu.

Í skjölum málsins, sem BBC fjallaði um, kom fram að hún á að hafa fengið aðgang að ábata­söm­um samn­ing­um um land, olíu, dem­anta og fjar­skipti þegar faðir henn­ar, José Edu­ar­do dos Santos, var for­seti Angóla. 

Frétt af mbl.is

Óhreint mjöl ríkustu konu Afríku

Frétt af mbl.is

Gerir allt sem í hans valdi stendur

Isabel dos Santos er ákærð fyrir peningaþvætti og óvandaða stjórnsýsluhætti er hún stýrði ríkisolíufyrirtækinu Sonangol auk fleiri brota í tengslum við rekstur félagsins segir Helder Pitta Gros, ríkissaksóknari í Angóla, en hann hélt blaðamannafund um málið fyrir skömmu.

• Blogga um frétt