Donald Trump Bandaríkjaforseti kynnti í gær merki hins nýja geimhers Bandaríkjahers (United States Space Force) sem varð til með lagasetningu í lok síðasta árs, eftir að forsetinn fól bandaríska varnarmálaráðuneytinu að stofna nýja deild innan hersins sem hefði það hlutverk að tryggja öryggi bandarískra eigna í geimnum.
Trump sagðist á Twitter ánægður með að kynna merkið, en geimherinn er sjötta deild Bandaríkjahers. Fyrir eru landher, flugher, landhelgisgæsla, flotinn og landgöngulið flotans.
After consultation with our Great Military Leaders, designers, and others, I am pleased to present the new logo for the United States Space Force, the Sixth Branch of our Magnificent Military! pic.twitter.com/TC8pT4yHFT
— Donald J. Trump (@realDonaldTrump) January 24, 2020