Evrópusambandið óttast að allsherjarstríð gæti brotist út í Sýrlandi eftir að tugir tyrkneskra hermanna voru drepnir í loftárásum stjórnarhersins.

Frétt af mbl.is

Neyðarfundur eftir að 33 tyrkneskir hermenn létust

„Það er hætta á því að þetta þróist í átt að stórum alþjóðlegum hernaðaraðgerðum. Ástandið núna veldur óbærilegum þjáningum almennra borgara og setur þá í hættu,“ sagði Josep Borrell, utanríkismálastjóri Evrópusambandsins, á Twitter. 

Evrópusambandið hefur hvatt til þess að dregið verði hratt úr spennunni á svæðinu og hefur stofnunin verið í sambandi við alla sem tengjast málinu.

Neyðarfundur hefur verið boðaður hjá NATO vegna loftárásarinnar, að ósk Tyrkja. 

Recep Tayyip Erdogan, forseti Tyrklands. AFP

Vladimir Pútín Rússlandsforseti og Recep Tayyip Erdogan, forseti Tyrklands, lýstu í morgun yfir djúpum áhyggjum af ástandinu í sýrlenska héraðinu Idlib eftir að hermennirnir voru drepnir.

Í símasamtali samþykktu þeir að grípa til „aukinna ráðstafana“ og vonast til að hittast fljótlega. Að sögn Sergei Lavrov, utanríkisráðherra Rússlands, snerust viðræður forsetanna um að koma á vopnahléi í Idlib-héraði.  

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt