Frakkar hafa gagnrýnt Austurríki og Danmörku fyrir að sækjast eftir því að fá bóluefni í gegnum Ísrael en mjög hriktir í samstarfi Evrópusambandsríkjanna vegna þess hversu hægt gengur að fá bóluefni. 

Kanslari Austurríkis, Sebastian Kurz, greindi frá samstarfinu við Ísrael og að Lyfjastofnun Evrópu væri of lengi að samþykkja bóluefni á mánudag. Því lendi ríki ESB aftarlega í röðinni hjá lyfjafyrirtækjunum sem framleiða bóluefni ólíkt löndum sem hafa flýtt samþykkinu. 

Frétt af mbl.is

ESB hafi verið of lengi að samþykkja bóluefnin

Í yfirlýsingu frá franska utanríkisráðuneytinu kemur fram að það sem reynist best sé að halda fast í samstarf ríkjanna um bóluefnakaup. Á þennan hátt sé samstaða ríkjanna tryggð og það sé mikilvægara nú en nokkru sinni fyrr. 

Kurz segir að það sé rangt að treysta alfarið á ESB lengur. Hann lét þessi ummæli falla í morgun, áður en hann og forsætisráðherra Danmerkur, Mette Frederiksen, lögðu af stað til Ísraels. Þar munu þau ganga frá samkomulagi um framleiðslu á bóluefnum í framtíðinni og rannsóknar- og þróunarsamstarf. 

Frétt af mbl.is

Danir vonast eftir samstarfi við Ísrael

Utanríkisráðherra Frakklands, Jean-Yves Le Drian, tekur undir vonbrigði Kurz og Frederiksen með hversu lítið hafi fengist af bóluefni en gagnrýnir það sem hann kallar tilraun til úrsagnar. Frekar ætti að auka framleiðslumöguleika á bóluefnum í Evrópu og það sé eitthvað sem sé í vinnslu. Jafnframt hafi verið gerðar breytingar á ferlum varðandi yfirferð á bóluefnum hjá evrópsku lyfjastofnuninni sem mun væntanlega flýta ferlinu þegar kemur að bóluefnum sem talið er að dugi gegn bráðsmitandi afbrigðum Covid-19.

Tengdar fréttir

Bólusetningar við Covid-19

WHO: Bóluefni bjargað 1,4 milljónum mannslífa

• Bætur ef tjón verður af völdum bólusetningar
• „Flestar þessara aðgerða standast skoðun“
• Ósennilegt að bólusetning orsaki tíðavandamál
• Margir mæta í örvunarsprautu

» Fleiri tengdar fréttir

• Blogga um frétt