Árásarmaðurinn á meðal hinna látnu
Setja bókamerki
Talið er að skotmaður sem varð átta manns að bana í bandarísku borginni Indianapolis í nótt hafi verið á meðal látinna. Lögreglan í Indianapolis segir að maðurinn hafi staðið einn að árásinni.
Fjöldi fólks var fluttur á sjúkrahús í kjölfar árásarinnar sem varð við húsnæði fyrirtækisins FedEx.
Lögregla hefur eftir vitnum að maðurinn hafi beitt sjálfvirku skotvopni í árásinni. Þá segir lögregla að engin almannahætta sé til staðar sem stendur.
„Þegar lögreglumenn komu á staðinn var í gangi virk skotárás. Í kjölfar bráðabirgðarannsóknar á svæðinu fundust átta einstaklingar með meiðsli í samræmi við skotsár. Þessir átta voru látnir á staðnum,“ hefur BBC eftir Genae Cook, upplýsingafulltrúa lögreglunnar í Indianapolis.
Cook segir að fjórir hafi verið fluttir slasaðir á sjúkrahús, þar af var einn lífshættulega slasaður. Fjölmargir aðrir fóru á eigin vegum á sjúkrahús.
Ekki liggur fyrir hvað bjó að baki árásinni.
Moses Hightower og Prins Póló gefa út eyjalag
Katrín: Jóhönnustjórnin talaði máli Íslands
Íslendingar ein mest einmana þjóð heims
Átta morðmál á aðeins tólf mánuðum
Sáttur við sína stöðu og finnur fyrir meðbyr
Búið að bólusetja börn alla helgina