Alþjóðaglæpadómstóllinn (ICC) dæmdi í dag Úgandamanninn Dominic Ongwen í 25 ára fangelsi fyrir stríðsglæpi og glæpi gegn mannkyninu. Ongwen var rænt þegar hann var níu ára gamall skóladengur og gerður að barnahermanni af Andspyrnuher Drottins (LRA). Að eigin sögn var honum gert að borða baunir sem hafði verið dýpt í blóð þeirra fyrstu sem hann drap sem hermaður. Var þetta hluti af innsetningu hans í Andspyrnuhers Drottins.
„Ég stend hér frammi fyrir þessum alþjóðlega dómstól fyrir margar sakir en samt er ég fyrst fórnarlamb barnsráns. Ég efast um að Jesús Kristur hafi þurft að ganga í gegnum það sama og ég,“ sagði við réttarhöldin.
Ongwen, sem er 45 ára, var herforingi í Andspyrnuher Drottins (LRA) og á hann m.a. að hafa haldið fólki í kynlífsánauð og safnað liði barnahermanna. Hann var fundinn sekur um 61 ákærulið af 70 og er sá fyrsti sem er dæmdur sekur við ICC fyrir þvingaðar þunganir.
Dómurinn dæmdi Ongwen, sem er kallaður hvíti maurinn, sekan um að hafa fyrirskipað árásir á flóttamannabúðir sem herforingi í LRA en andspyrnuherinn var undir stjórn Joseph Kony sem talinn er hafa borið ábyrgð á hrottalegum glæpum í heimalandinu. Hann hefur verið á flótta í mörg ár.
Saksóknarar höfðu farið fram á 20 ára fangelsisdóm yfir Ongwen og vísuðu þar til þess að honum hafi verið rænt sem litlum skóladreng en hámarksrefsing ICC er 30 ára fangelsi til lífstíðardóms. Þolendur glæpa Ongwen höfðu biðlað til dómstólsins að hann yrði dæmdur í lífstíðarfangelsi.
Andspyrnuher Drottins var stofnaður fyrir þremur áratugum síðan af fyrrverandi altarisdreng kaþólsku kirkjunnar, Joseph Kony, sem hóf hrottalega uppreisn í Norður-Úganda gegn forseta landsins, Yoweri Museveni.
Stefnt var að stofnun ríkis sem byggði á boðorðunum tíu en þess í stað voru yfir 100 þúsund drepnir og 60 þúsund börnum rænt. Boðorðið virti ekki landamæri og dreifðist til Súdan, Kongó (Lýðstjórnarlýðveldisins Kongó) og Mið-Afríkulýðveldisins.
Þegar Ongwen var dæmdur sekur í febrúar gerðu dómararnir hann persónulega ábyrgar fyrir því að hafa fyrirskipað hermönnum sínum að fremja fjöldamorð í flóttamannabúðum sem kostaði 130 manns lífið. Þar var almenningur læstur inni á heimilunum sínum og kveikt í þeim eða barinn til bana.