Hluta Times Square í New York-borg hefur verið lokað eftir að kona og þriggja ára barn voru skotin á torginu um hábjartan dag.
Skotárásin átti sér stað rétt fyrir klukkan 17 síðdegis í dag að staðartíma, eða rétt fyrir klukkan 21 í kvöld að íslenskum tíma.
Konan og barnið voru flutt á Bellevue-sjúkrahúsið, að því er fram kemur í umfjöllun fréttastöðvarinnar ABC.
Sá sem grunaður er um ódæðið flúði af vettvangi og stendur rannsókn yfir.