Fáránlegt að krefja Biden svara
Setja bókamerki
Tengdar fréttir
Úkraína
Krafa Rússa um að Bandaríkin svari fyrir hvort þau hafi staðið að baki neðanjarðarsprengingum sem ollu skemmdum á Nord Stream 1- og 2-gasleiðslunum er „fáránleg“ að sögn talskonu þjóðaröryggisráðs Bandaríkjanna.
Gasleiðslurnar liggja um Eystrasalt og eiga að flytja gas frá Rússlandi til Þýskalands. Á mánudag var tilkynnt um hættulegan leka frá leiðslunum, en stjórnvöld víða í Evrópu hafa sakað Rússa um að hafa framið skemmdarverk á þeim.
Adrienne Watson, talskona þjóðaröryggisráðs Bandaríkjanna, segir Rússa enn og aftur reyna að dreifa fölskum upplýsingum.
„Við vitum öll að Rússar eiga sér langa sögu um að dreifa fölskum upplýsingum og þeir gera það aftur hér,“ segir Watson.
Biden hafi haft í hótunum
Talskona utanríkisráðuneytis Rússlands sagði í færslu á samfélagsmiðlum fyrr í dag að Joe Biden forseti Bandaríkjanna yrði að svara fyrir það hvort Bandaríkin bæru ábyrgð á gasleka úr gasleiðslunum Nord Stream 1 og 2. Hann hefði hótað endalokum leiðslnanna.
„Hinn 7. febrúar 2022 sagði Joe Biden að Nord Stream væri búin að vera ef innrás Rússa í Úkraínu yrði að veruleika. Biden ber skylda til að svara hvort Bandaríkin hafi staðið við þessar hótanir,“ sagði María Sakaróva, talskona rússneska utanríkisráðuneytisins, í færslunni.
Tengdar fréttir
Úkraína
Áköf mótmæli í bandarískum háskólum
Átta morðmál á aðeins tólf mánuðum
Tæknideild komin norður vegna andlátsins
Myndskeið: „Fólk var komið ískyggilega nálægt“
Myndir: Reynir við heimsmet í Hlíðarfjalli í dag
Búið að bólusetja börn alla helgina
Mest spennandi kosningar í áratugi