Dómstólar á Kómoreyjum dæmdu í dag Ahmed Abdallah Sambi, fyrrverandi forseta eyríkisins, í lífstíðarfangelsi fyrir landráð.
Hann var dæmdur fyrir að selja ríkisfangslausu fólki í Persaflóa vegabréf, en ekki verður hægt að áfrýja dómnum.
Sambi, sem var forseti Kómoreyja á árunum 2006 til 2011, kom frumvarpi í gegn árið 2008 sem leyfðu sölu vegabréfa fyrir miklar fjárhæðir.
Lögin beindust að bidoon-fólki, arabískum minnihlutahópi sem telja tugi þúsunda í landinu sem hafa ekkert ríkisfang.
Sambi var ásakaður um fjárdrátt upp á milljónir dollara í tengslum við lögin.
Saksóknari hefur sagt að kostnaðurinn hafi verið meiri en 1,8 milljarðar bandaríkjadala, eða um 253 milljarðar króna, sem er meira en verg landsframleiðsla eyríkisins.