Vilja hækka lágmarksaldur fyrir rafskútur
Setja bókamerki
Frakkar munu að öllum líkindum hækka lágmarksaldur þeirra sem mega nota rafskútur úr 12 í 14 ára.
Samgönguráðherra landsins greindi frá þessu í morgun.
Ríkisstjórnin er sögð ætla að kynna nýja reglugerð í dag um rafskútur þar sem lögð er til hækkun lágmarksaldurs og hærri sektir ef tvær manneskjur eru á þeim á sama tíma, eða úr rúmum 5 þúsund krónum í 20 þúsund.
„Við vitum að í einu slysi af hverjum fimm eru tveir notendur á farartækinu í einu,“ sagði Clement Beaune, samgönguráðherra Frakklands, við dagblaðið 20 Minutes.
„Það er mikilvægt að það sé ljóst að þau eru ekki leikföng.“
Hægt er að leigja rafskúturnar í gegnum öpp eins og Lime, Dott og Tier í 200 bæjum víðs vegar um Frakkland og sýnist sitt hverjum um farartækin.
Kjósendur í París verða á sunnudaginn beðnir um að taka þátt í atkvæðagreiðslu, sem er skipulögð af borgaryfirvöldum, um hvort banna skuli rafskútur þar í borg.
Niðurstaða MDE kallar á breytingar
90 milljóna ferð austur: „Hrokinn yfirgengilegur“
Forsetafylgismenn dregnir í dilka
50% fjölgun kærumála og aukið álag
Hafa náð tökum á eldinum
Vorum kannski ekki bara „hrópandi í eyðimörkinni“