Báru ekki ábyrgð á kórónuveirusmiti
Kári Freyr Kristinsson
Setja bókamerki
Alríkisdómstóll í Austurríki hefur sýknað austurríska ríkið af kröfum þýsks ferðamanns sem smitaðist af Covid-19 í ársbyrjun 2020.
Ferðalangurinn krafði ríkið um skaðabætur og viðurkenningu á að það bæri ábyrgð á skaðanum sem hann hlaut af smitinu. Taldi hann ríkið bera ábyrgð á skaðanum vegna aðgerðarleysis þess við að sporna gegn útbreiðslu Covid-19.
Málavextir eru þeir að þýskur ferðamaður fór í skíðaferð til bæjarins Ischgl í Austurríki þann 7. mars 2020 og ferðaðist til nokkurra skíðasvæða. Að ferðinni lokinni, sex dögum síðar, fer ferðalangurinn að finna fyrir Covid-19 einkennum.
Of sein að bregðast við faraldrinum
Sjálfstæð rannsóknarnefnd rannsakaði meðal annars viðbrögð stjórnvalda í Tíról við Covid-19 og komst að þeirri niðurstöðu að stjórnvöld brugðust of seint við útbreiðslu faraldursins. Ekkert benti þó til þess að sérstakir hagsmunir hafi ráðið för, pólitískir né viðskiptalegir.
Röng yfirlýsing gerði ríkið ekki skaðabótaskylt
Dómstóllinn komst að þeirri niðurstöðu að stjórnvöld í Tíról hafi veitt rangar upplýsingar með yfirlýsingu 5. mars 2020 um að íslenskir ferðamenn sem ferðuðust frá München til Reykjavíkur og smituðust síðar af Covid-19 hefðu smitast í flugvélinni en ekki í Tíról.
Aftur á móti sagði dómstóllinn að tilkynningin hafi verið varfærnisleg og því hafi hún ekki geta skapað bótagrundvöll á hendur ríkisins. Orðalag yfirlýsingarinnar var á þá leið að matið sem um ræddi væri byggt á fyrstu mögulegu upplýsingum og að frekari upplýsingar væru væntanlegar.
Niðurstaðan vonbrigði
Neytendasamtök Austurríkis stóðu fyrir málsókninni og kvaðst formaðurinn niðurstöðuna vera mikil vonbrigði. Fólk hafi orðið fyrir miklu tjóni vegna aðgerðarleysis ríkisins. Samtökin íhuga stöðu sína og hver næstu skref séu í málinu.
Kveðst tala af virðingu: „Ég er enginn dóni“
„Þögnin er ærandi“
Þrjú og hálft ár fyrir skotárás í Úlfarsárdal
Kvikan virðist nú skiptast til helminga
Segir óábyrgt að skipta út öllu bankaráðinu
Hjón sluppu með skrekkinn
Benda á Samgöngustofu sem bendir út í heim