Maður á sjötugsaldri, sem varð fyrir líkamsárás í óeirðunum í Frakklandi á föstudag í síðustu viku, lést af völdum sára sinna í dag. Maðurinn er sá fyrsti til að láta lífið í ofbeldisöldunni sem staðið hefur yfir í borginni síðastliðna 11 daga.
Maðurinn, sem var 61 árs, var að ræða við nágranna sinn í hverfinu Stains í París þegar ungur hettuklæddur maður barði hann með þeim afleiðingum að maðurinn missti meðvitund. Lá hann í dái á sjúkrahúsi í París þar til hann var úrskurðaður látinn í dag.
Ekkja mannsins ræddi við Nicolas Sarkozy, innanríkisráðherra Frakklands, í dag. Krafðist hún þess, að hinir seku yrðu látnir svara til saka í málinu.