Senda inn efni
Lögreglumenn í eftirlitsferð á laugardag. mynd/LHG
Rjúpnaveiðimenn lögðu á flótta
Lögreglumenn á Selfossi hafa haft eftirlit með skotveiðimönnum síðustu tvær helgar. Lögreglan gekk m.a. Laugarvatnsfjall í gær og hitti fimm rjúpnaveiðimenn og var allt eins og vera bar hjá þeim. Tvo aðra menn sáu lögreglumennirnir í fjarska sem lögðu á flótta er þeir urðu lögreglunnar varir. Segir lögreglan að ætla megi að mennirnir hafi ekki verið með hreina samvisku.
Á laugardag naut lögreglan aðstoðar Landhelgisgæslunnar sem bauð upp á að samnýta þyrlu til æfingaflugs og lögæslu. Flogið var yfir svæðið á milli Þingvalla og Laugarvatns.
Lögreglan segist þessar tvæ helgar hafa rætt við um eitthundrað veiðimenn. Allir, utan fimm, voru til fyrirmyndar og með allt sitt á hreinu. Tveir voru innan þjóðgarðs á Þingvöllum. Hald var lagt á skotvopn þeirra og þá bráð sem þeir höfðu náð. Mál tvímenninganna mun verða rannsakað frekar. Þrír skotveiðimenn voru ekki með veiðikort meðferðis og var lagt hald á skotvopn þeirra.
Til baka