Senda inn efni
Farmiðarnir hækkuðu mjög með gengishruninu.
Farmiðarnir hækkuðu um 77%
Bloggað um fréttina
Norðmaður sem keypti farmiða hjá Icelandair fyrir um ári síðan fékk skell við gengishrun íslensku krónunnar og kvartaði til klögunefndar norsku bankanna. Nefndin benti manninum á að gengissveiflur geti einnig komið viðskiptavinum til góða.
Norðmaðurinn keypti sex flugmiða á vefnum icelandair.is og gerði kaupin í íslenskum krónum. Hann greiddi farmiðana með kreditkorti. Þegar hann gekk frá kaupunum kostuðu miðarnir sem samsvaraði 15.500 norskum krónum, að því er segir í frétt Aftenposten.
Þegar upphæðin var dregin út af kortareikningnum sex dögum síðar hafði gengi íslensku krónunnar sokkið svo að verðið samsvaraði 27.370 norskum krónum eða um 77% meira en maðurinn reiknaði í upphafi með.
Kvörtunarnefndin, sem maðurinn sendi erindi, benti á skilmála greiðslukortsins þar sem fram kæmi að miðað væri við gildandi gengisskráningu útreikningsdags en ekki kaupdagsins þegar erlendar kortafærslur væru færðar í norskar krónur. Þá benti nefndin manninum á að gengissveiflur gætu einnig komið viðskiptavinum til góða.
Til baka