Björn Valur Gíslason, lengst til vinstri, ásamt fleiri þingmönnum á Alþingi. mbl.is/Heiðar

Segir sig frá öllum trúnaðarstörfum

Senda frétt

Prenta frétt

Upplestur á frétt

Deila

Deila fréttinni á...

Facebook

Delicious

Hætta við

Twitter

Digg

StumbleUpon

Blogga um frétt

Bloggað um fréttina

9 blogg um fréttina »

• jobb
  Hvar eru mótmæendurnir???????
• Haraldur Haraldsson
  Segir sig frá trúnaðarstörfum/"far vel…
• Sveinbjörn Ragnar Árnason
  Sjómenn, kröfufundur kl 3 í dag laugardag á…
• Jóhann Elíasson
  VILL HANN FÁ SAMÚÐ - EÐA HVAÐ ER EIGINLEGA MÁLIÐ?
• Gísli Foster Hjartarson
  Björn Valur og skynsemin
• Ómar Geirsson
  Þetta er aðeins byrjunin Björn minn.
• Hafsteinn Viðar Ásgeirsson
  Þarna verður vitleysunni allt að vopni.
• Haukur Gunnarsson
  Gott að það sé einn stoltur skipstjóri
• Sveinn hinn Ungi
  Rétt hjá Pétri Blöndal

© Höfundaréttur

Björn Valur Gíslason, þingmaður Vinstri grænna og fyrrverandi skipstjóri, sagði sig í dag frá öllum trúnaðarstörfum fyrir Félag skipstjórnarmanna í kjölfar deilna á þingi Farmanna- og fiskimannasambands Íslands vegna fyrirhugaðs afnáms sjómannaafsláttar. Björn Valur er varaformaður fjárlaganefndar.

„Ég var beðinn um að koma í dag og ræða um skattamál, þ.á.m. sjómannaafsláttinn, og í kjölfarið var borin upp tillaga af félagsmanni um það að ég yrði látinn víkja úr klúbbnum," segir Björn Valur. Samkvæmt reglum félagsins er hinsvegar ekki hægt að reka þá sem fengið hafa kosningu.

„Þegar á það var bent kom upp önnur tillaga í kjölfarið þar sem var skorað á mig að segja mig frá öllum trúnaðarstörfum, þeirri tillögu var vísað frá en umræðan hélt áfram á þessa vegu og sú hugmynd kom upp að vísa „máli mínu" eins og það var orðað til stjórnar skipstjórnarfélagsins til úrlausnar. Þá ákvað ég að taka þann kaleik af þeim að þurfa að fjalla um mig þar og sagði þeim að ég myndi segja af mér öllum trúnaðarstörfum fyrir Farmanna- og fiskimannasambandið og  Félag skipstjórnarmanna  þannig að þeir þyrftu ekki að eyða tíma í að ákveða örlög mín þar."

Mikill hiti var í mönnum á þinginu í dag vegna afnáms sjómannaafsláttarins og setu Björns í fjárlaganefnd og orðar Björn Valur það þannig að hann hafi ákveðið að létta þessum áhyggjum af þeim. „Það voru fulltrúar þarna inni sem töldu mig ekki þess verðan að vera í þeirra félagsskap, þeir vilja mynda þarna stéttafélag þar sem allir eru sammála en ég hef aldrei verið í slíku félagi, sem rúmar ekki margar skoðanir og þar á ég ekki heima.

Ég hef nú verið þarna innan raða í 23 ár og kveð það starf með miklum söknuði. Ég tel mig hafa sinnt mínum trúnaðarstörfum í gegnum árin eins vel og vandlega eins og ég get en þetta var greinilega vilji félagsmanna og þá beygir maður sig undir það."

Hann hefur þó ekki sagt sig úr félaginu sjálfu og hyggst ekki gera það. „Ég er ennþá félagsmaður og borga glaður mitt félagsgjald þegar að því kemur eins og ég hef gert í öll þessi ár og óska þeim þess að þeir fari vel með þá peninga og góðs gengis um aldur og ævi."

Til baka