Senda inn efni
Frá Alþingi mbl.is/Heiðar
Svik við samkomulag flokkanna
Bloggað um fréttina
-
Páll BlöndalMeira vælið...
-
Guðmundur Jónas KristjánssonVinstristjórnin kastar stríðshanska yfir…
-
Víðir BenediktssonKemur ekki á óvart.
-
Haraldur HaraldssonSvik við samkomulag flokkanna/ekki spurning???allt…
-
Magnús Helgi BjörgvinssonHvað eiga þeir við með þessu?
-
Jóhann ElíassonÞESSI "RÍKISSTJÓRN FÓLKSINS" HEFUR SÝNT ÞAÐ OG…
Sjálfstæðismenn, líkt og Framsóknarmenn, líta svo á að samkomulag það sem tókst á milli ríkisstjórnar og stjórnarandstöðu um störf þingsins fram að jólum, hafi verið svikið í dag. Icesave-frumvarpið var afgreitt úr fjárlaganefnd án þess að viðeigandi gögn, meðal annars skýrsla frá IFS-greiningu, hefðu borist.
Sjálfstæðismenn í fjárlaganefnd mótmæla harðlega þessu verklagi, þar sem mjög mikilvæg gögn hafi verið að berast nefndinni fram á síðustu stundu og engin efnisleg meðferð hafi farið fram.
„Hér á Alþingi hafa farið fram stöðugar umræður og atkvæðagreiðslur um grundvallarbreytingar á skattkerfi landsmanna auk fjárlagafrumvarps næsta árs, fyrir utan önnur viðfangsefni. Ofan í þetta er fulltrúum í fjárlaganefnd ætlað að taka afstöðu til þessa gríðarlega mikla hagsmunamáls sem Icesave málið er.
Það er útilokað fyrir alþingismenn í þessum önnum að kynna sér til hlítar þessi gögn sem lögð hafa verið fram og því síður tækifæri til umræðu um efnislega meðferð og afgreiðslu. Engin efnisleg rök hafa verið færð fram um það að nauðsynlegt sé að ljúka málinu nú. Að mati sjálfstæðismanna í fjárlaganefnd er ábyrgðarlaust að halda svona á hagsmunum Íslendinga í nútíð og framtíð og vísa þeir ábyrgð á þessari málsmeðferð á hendur ríkisstjórn og meirihluta fjárlaganefndar," segir í bókun sjálfstæðismanna frá því á fundi fjárlaganefndar í dag.
Til baka