Senda inn efni
Frá Teheran Reuters
Fleiri handteknir í Íran
Nokkrir af helstu fylgismönnum Mohammad Khatami , klerks og fyrrverandi forseta og Mir Hossein Mousavi, leiðtoga stjórnarandstöðunnar í Íran, hafa verið handteknir í dag í kjölfar mótmælanna í Teheran. Mjög er á reiki hversu margir hafa látist í átökum við lögreglu og her en talið er að þeir séu um fimmtán talsins. Fleiri hundruð mótmælendur eru í haldi lögreglu.
Samkvæmt því sem kemur fram á vefnum Rahesabz sem stjórnarandstæðingar halda úti eru meðal þeirra sem handteknir hafa verið fyrrum utanríkisráðherra Írans, Ebrahim Yazdi, en hann gegndi embætti ráðherra skömmu eftir íslömskum byltinguna í Íran árið 1979. Hann var handtekinn á heimili sínu í morgun.
Jafnframt var blaðamaðurinn og baráttumaðurinn Emadeddin Baghi handtekinn í morgun í Teheran.
Til baka