Systur lentu í árekstri og létu lífið

Tvær bandarískar systur létu lífið í árekstri þegar þær komu akandi sín úr hvorri áttinni og bílar þeirra rákust saman. Systurnar ætluðu að heimsækja hvor aðra þegar slysið varð.

Að sögn lögreglu voru konurnar tvær sem bjuggu í Alabamaríki, að aka í jeppum hvor í sína áttina. Þegar bílarnir voru um það bil að mætast sveigði annar þeirra í veg fyrir hinn.

Sheila Wentworth, 45 ára, og systir hennar, Doris Jean Hill, 51 árs, létu lífið og einnig Billy Joe Hall, 45 ára, eiginmaður Doris. Tvö börn sem voru í bílunum slösuðust.

• Blogga um frétt