Bankarán var framið í útibúi Íslandsbanka við Eiðistorg rétt í þessu og hefur lögregla gripið til víðtækra ráðstafana á vettvangi og í nágrenni hans. Maður, sem talinn var um eða rúmlega tvítugt, stökk inn fyrir borð í gjaldkerastúku og greip ótilgreinda fjármuni. Ungur maður hefur verið handtekinn í strætisvagnaskýli skammt frá og er hann grunaður um verknaðinn.